வேண்டும்

கடலோரம் அழகான
- வீடு ஒன்று வேண்டும்
கரையோரம் இளைப்பாற
- மெத்தைகள் வேண்டும்
தினம்தோறும் உதயத்தை
- நான் காண வேண்டும்
கணம்தோறும் தென்றல் அது
- என்மீது வேண்டும்

புல்வெளி வேண்டும்
பனித்துளி வேண்டும்

கல்கண்டாய் கடல் நீர்
- என்றென்றும் வேண்டும்

==

அடிக்கடி நிறம் மாறும்
- பூக்கள் வேண்டும்
நொடிக்கொறு புது மணம்
- வீசிட வேண்டும்
மா பலா வாழை
- ஒன்றாக வேண்டும்
நான் விரும்பும் நேரம்
- என் கையில் வேண்டும்

==

பலப்பல வண்ணங்களில்
- விண்மீன்கள் வேண்டும்
புதுப் புது கோலத்தில்
- நிலவது வேண்டும்
வட்டமாய் சதுரமாய்
- வானவில் வேண்டும்
விட்டத்தில் சின்னதாய்
- சூரியன் வேண்டும்

==

கோடுகள் இல்லாத
- நாடுகள் வேண்டும்
வீடுகள் தோறும்
- காடுகள் வேண்டும்
இயற்கையை மனிதன்
- மதித்திட வேண்டும்
செயற்கையாய் வாழ்வதை
- தவிர்த்திட வேண்டும்

==